На „Александар Велики“ продолжуваат редовните операции

И покрај маглата што и денеска го покрива Скопје, на аеродромот Александар Велики, иако со пречки, продолжуваат редовните операции.

Веќе полетаа авионите на Виз-Ер за Ајндховен и за Дортмунд и нема во најава нови откажувања.

Според сајтот на аеродромот, одложено е полетувањето за Истанбул, но авион на Туркиш Ерлајнс патува кон Скопје.

Се очекува маглата да се расчисти попладнево, но потоа ситуацијата повторно да се влоши и да се намали видливоста.