Намалена видливост на повеќе патишта поради магла

Сообраќајот на сите државни патишта во Македонија се одвива без забрани, по претежно влажни коловози. 

 

Поради појава на магла, видливоста е намалена  од 50 до 100 метри на патните правци Плетвар,Велес-Скопје(Кула), Охрид, Страцин и Гостивар-крак Маврово. 

 

АМСМ препорачува внимателно возење, прилагодена брзината на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, каде е можна почеста појава на одрони.