„Алерик“ со уште една меѓународна награда

Анимираниот филм Алерик на Вук Mитевски го продолжува успешно својот фестивалски живот и по серијата награди се закити со уште една меѓународна награда. На штотуку завршениот филмски фестивал во Италија L'Aquila FilmFest‎L'Aquila Film Festival 2014 анимираниот филм Алерик ја освои наградата за најдобар анимиран филм. Алерик продолжува со својот фестивалски живот.

Продукцијата Сестри и Брат Митевски на последната сесија на Еуримаж која се одвиваше во Торино, Италија од 9 до 12 декември доби подршка за два филмски проекти. Од 15 филма кој овој пат Еуроимаж ги поддржа на оваа сесија се врбои и новиот филм на Теона Стругар Митевска, „Кога денот немаше име“. Грантот кој го доби овој филм од овој престижен европски фонд е 180.000 евра.

И вториот филм кој Сестри и Брат Митевски го имаше на оваа сесија е новиот филм на еден од највлијателните автори на европската кинематографија, Канскиот лауреат, романецот Кристи Пиу, каде македонската продуцентска куќа се појавува како ко-продуцент во неговиот нов филм „Сиера Невада“.

Новиот филм на Теона С. Митевска „Кога денот немаше име“ е  македонско- белгиска- словенска копродукција и во моментов е во процес на избор на актери. Снимањето се планира за пролет.

„Сиера Невада“ го започнува своето снимање на 15-ти јануари.