Перо славеше и над ЛеБрон, Атланта го прегази Кливленд

Перо Антиќ ја одигра најдобрата партија сезонава во „Квикен лоанс арена“каде што Атланта му нанесе катастрофа на домаќинот со 127 : 98. Освен првиот период кој му припадна на Кливленд, сите други убедливо ги добија “јастребите“ за 9 победа во последните 10 настапи, вкупно 18 за трето место во Источната конференција. Македонецот за 13 минути постигна 11 поени, 6 скокови и 2 асистенции со 67 проценти реализација. Иако постигна 21 поен, со спуштена глава паркетот го напушти мега звездата Леброн Џејмс. Лидерот Торонто ја оствари 20 победа со 105 : 89 над Бруклин, благодарение на 20 поени и 12 скокови на Ловри.

Најнеизвесно беше во западното дерби, каде што Мемфис ја постигна 21 победа сезонава и тоа во Сан Антонио со 117 : 116 дури по 3 продолженија. Гасол беше најефикасен со 26 поени, а Рендолф оствари по 21 поен и исто толку скокови, додека кајшампионот најефикасен беше Грин со 25 поени, а Данкан имаше 23 и 16 скокови. Продолжение се играше и во Денвер каде што Хјустон со 41 поен и 10 асистенции на Харден славеше со 115 : 111. Вејд постигна дури 42 поени, но Мајами загуби дома од Јута со 105 : 87. Драгиќ со 20 поени беше најдобар во победата на Феникс на гости со Шарлот 111 : 106 а Парсонс со 32 блескаше за Далас во Детроит за 117 : 106. Во другите три мечеви се радуваа домашните, Бостон – Орландо 109 : 92, Портланд – Милвоки 104 : 97 и ЛА Клиперс – Индијана 102 : 100.