Голем интерес за доброволните пакети во Тутунски комбинат - Прилеп

Преку 500 вработени во прилепскиот тутунски комбинат се пријавиле  доброволно да заминат со пакети до 15.000 евра. Консултиран е синдикатот, а раководството изненадено од интересот. Идната недела ќе биде истакнат списокот, ќе се вклучи Агенцијата за вработување и до март се очекува да заврши реорганизацијата и да се ослободи од превработеноста– дел од стратегиското партнерство со Филип Морис

„Со буџетот би биле покриени некаде 4 80 вработени, но ние правиме напори, од наши средства и останатите, колку ќе бидат да бидат опфатени, освен оние што реално ни е неопходно потребно, вели Александар Дерменџиев, генерален директор на Тутунски комбинат-Прилеп.

Ова ќе го извлече од групата загубари.

Ако оперативните загуби на комбинатот се 4 милиони евра, со доброволните пакети за речиси половина од вработените, анализира менаџментото, токму за толку ќе се намалат трошоците и комбинатот ќе дојде до позитивна нула.

Стратегиското партнерство со светскиот гигант и реално почна со производството на  брендовите на комбинатот, но и на првиот на Филип Морис преку заедничката фирма. Во тек е опремувањето во фабриката за цигари.

„Работиме максимално посветено во тој правец за да бидеме подготвени, едно по едно, целокупното портфолио да го пренесеме, затоа што тоа е духот, идејата на стратегиското партнерство“, додава Дерменџиев.

Сервисирани се сите обврски од 10 милиони евра, залихите на тутун се речиси продадени, а и новата реколта што се откупува, пак, поради партнерството со светскиот гигант. Обезбедени се парите за исплата на тутунарите за преку 3.000 тони тутун.

2015-та ќе биде предизвик за Комбинатот кој почнува пазарно да работи без интервенции од државата.

Елизабета Митреска

Снимател и монтажа: Мице Маркоски