Од 2011-та речиси 260 километри патишта се изградени во Југоистокот од Македонија

257.66 километри патишта се изградени во Југоистокот од Македонија во периодот од 2011 година до денес. Од нив, 66,26 се локални, а 191,4 километри се регионални и магистрални патни правци.

Струмица добила најмногу регионални патишта во должина од 42,25 километри, по што следува Радовиш со 35,10 и Валандово со 29 километри. Граѓаните велат дека подобрената патна инфраструктура им го подобрила и квалитетот на живот.

Нова локална патна мрежа во најголема должина доби Струмица од 11,29 километри, потоа следува Гевгелија со 9,60 и Радовиш со 9,34 километри.

За Југоисточниот плански регион, инвестирањето во патишта е директно инвестирање во развој на индустриските зони и локалната економија.

До 2017-та година во Југоистокот од Македонија треба да заврши изградбата на патот Струмица- Ново Село до бугарската граница во должина од 10 километри, како и локалниот пат од Попчево Белотино Рич од 9 километри.

Во изминатиот период, според официјалните податоци, санирани се три свлечишта во Конче, осветлена е клучката кај Калуѓерица, а се санира и мостот кај Злеово.

Катерина Давчева