Откупени првите количества на тутун од родот во 2014 година

Според податоците од Државниот Инспекторат за земјоделство во првата недела од официјалниот старт на откупот на тутунот, залкучно со 22.12.2014 година, од страна на седум откупувачи на тутун, откупени се вкупно 2.128.961,87 килограми тутун со просечна откупна цена од 120,98 денари за килограм.

Исплатата е реализирана со 11,26 % и се одвива според динамиката наведена во договори меѓу откупните организации и тутунопроизводителите.

По обезбедената банкарска гаранција за исплата на тутунот, денеска почна со откуп и Орбита табак.