Проектот „Купи куќа, купи стан“ добива на интензитет

Расте интересот за проектот „Купи куќа, купи стан“. За последните два месеца, станбеното прашање го решиле безмалку 100 семејства.

„Купи куќа, купи стан“ добива на интензитет и интерес врз основа на саемите што ги направивме. Само во декември има нови 40 барања за субвенција, а претходно имавме 50. Откако почнавме со саемите 90 семејства го решија  прашањето за сопствен дом. Така што ќе продолжиме и понтаму“, рече вицепремиерот и министер за финансии, Зоран Ставрески.

Вториот саем за проектот „Купи куќа, купи стан“ е во тек во ТЦ „Рамстор“ на кој градежни компании, банки и претставници од Министерството за финансии ги запознаваат заинтересираните за можностите за учество во проектот. Саемот ќе трае до 28 декември.