Јанакиески: Прооден патниот правец Кичево- Охрид
30.12.2014 13:19
Министерот за транспорт и врски Миле Јанакиески потврди дека кај Пресека е почната операција на ослободување на 13-те завеани возила, и тие во текот на денот ќе бидат префрлени во Охрид...
Од пет часот изутринава е прооден патниот правец Кичево-Охрид. Во расчистувањето на снежните наноси биле ангажирани повеќе од 10 машини на „Македонија пат“, и на приватни фирми. Патот е прооден за лесни возила и камиони со тежина до 5 тони.
Министерот за транспорт и врски Миле Јанакиески потврди дека кај Пресека е почната операција на ослободување на 13-те завеани возила, и тие во текот на денот ќе бидат префрлени во Охрид.
Покритична е состојбата со завеаните планински села во дебарско и во околината на Македонски Брод.
Во расчистувањето на патиштата ќе бидат вклучени и дирекцијата за заштита и спасување и локалните самоуправи.
Во сабота се очекуваат нови врнежи од снег, но не со голем обем, за што надлежните служби веќе прават подготовки, нагласи министерот Јанакиески.