Ставрески: Економски раст од 4% во 2015-та
Приоритет број еден и натаму останува намалувањето на невработеноста, а за да се случи тоа потребни се инвестиции. Тоа значи дека привлекувањето на странски инвестиции и опстојување на добриот амбиент за домашните инвеститори...
Раст на економијата од четири проценти, привлекување нови инвестиции и создавање добра амбиент за домашните компании во фокусот на првиот човек на министерството за финансии, Зоран Ставрески.
„Приоритет број еден и натаму останува намалувањето на невработеноста, а за да се случи тоа потребни се инвестиции. Тоа значи дека привлекувањето на странски инвестиции и опстојување на добриот амбиент за домашните инвеститори, ќе претставува приоритет на Владата за 2015-та година. Покрај тоа ќе го помогнеме домашното стопанство и преку висок износ на инфраструктурни проекти, односно капитални инвестиции од Буџетот, за реализација на патишта, за изградба на железничката инфраструктура кон Бугарија, за комуналната инфраструктура, училишта, болници, и се друго што може да го придвижи домашното стопанство преку аранжман на домашната градежна оператива и индустријата“, изјави за МРТ вицепремиерот и министер за финансии, Зоран Ставрески.
Ставрески нагласува дека на овој начин ќе успееме да оствариме добри резултати и да го постигнеме проектираниот раст од 4% на економијата.