МВР со апел до граѓаните да се воздржат од употреба на огнено оружје и петарди на новогодишната ноќ

Во пресрет на новогодишната ноќ МВР апелира до граѓаните за максимално воздржување од употребата на огнено оружје, петарди или други пиротехнички средства.

Да не се нарушува јавниот ред и мир, со цел новогодишната ноќ да мине во мирна и безбедна атмосфера.

На возачите им порачуваат внимателно возење и почитување на сообраќајните правила, задолжителна зимска опрема и да не се седнува зад волан под дејство на алкохол.

Полицијата ќе ги зајакне позорните и сообраќајните патроли, пред се на местата и објектите каде што ќе се организира пречек на Новата година.