Пандев најверојатно останува во Турција

Откако пропадна трансферот во Џенова на Горан Пандев му останува да реши уште на стартот на зимскиот преоден рок и на Новата 2015-та, каде ќе ја продолжи кариерата.

Најреална опција сепак на крајот ќе излезе останувањето во Галатасарај, иако не се нереални опциите за враќање во Серија А.

Во игра е и Милан кој ќе сака да го пополни местото на Кесуке Хонда кој ќе игра за Јапонија на престојниот Азиски куп, а тренерот на „росо-нерите„ Филипо Инѕаги го планира и соиграчот на нашиот интернационалец, Весли Снејдер, како и италијанските фудбалери Дијаманти и Верди.

Интерес за екс македонскиот репрезентативец покажува и англискиот премиерлигаш Евертон. Предводникот на „карамелите“, Роберто Мартинез сака да има опција плус во нападот со искусен играч, па Пандев според сите досегашните трофеи и ефект е одлично решение.

Ако се најде заедничко решение финансискиот момент би бил најлесно решен со оглед на моќта на клубот од Ливерпул.

Сега, и челните луѓе на Галатасарај и новиот кормилар Хамза Хамзаоглу имаат надеж дека Горан Пандев има капацитет и квалитет со своите игри на турскиот гигант да му понуди многу повеќе во трката за домашната шампионска титула, и се погласни се желбите тој да остане во Истанбул.