Снегот и ниските температури го отежнаа железничкиот сообраќај
Студено е на железничката станица во Скопје, но мора да се патува. Граѓаните велат- добро е, се издржува...
Временските неприлики ги редуцираа возовите. Најкритично е на пругата Скопје – Кичево. Студено е на железничката станица во Скопје, но мора да се патува. Граѓаните велат- добро е, се издржува.
Не само снегот, туку и неговото топење е проблем за возовите.
„Редуцирани се линиите за да можеме да го реализираме остатокот на сообраќајот, за да не дојде до доцнење на возовите“, вели Сашо Ангеловски, директор на подружница и влеча на возови.
Досега возовите минимално доцнеа. Од Железница велат дека имаат оперативен план за наредниот период .
Гужва и на автобуската станица. Освен пренасочување на автобусите нема откажување на линиите.
Од Скопската автобуска станица велат дека го очекуваат утрешното пристигање на оние кои заминаа за празниците се надеваат дека најавениот нов снег нема да предизвика проблеми.
„Сообраќајот беше отежнат така што некои линии, конкретно за Охрид, се одвиваа преку Битола“, вели Васил Стојковски, Скопска автобуска станица.
Од изутринава проодно е на преминот Пресека.
Дијана Ценевска