Коледари го најавија Христовото раѓање

Денеска е коледе, утре е Божик, изутринава се слушаше пред сечија порта. Коледарите со  песна и торби во рацете го најавија Христовото раѓање. Костени, ореви, јаболка, бонбони  и по некоја паричка. Најмладите ги ширеа торбите, а домаќините го испочитуваа обичајот  што се негува со години. Ги даруваа коледарите за прекрасната вест што им ја носат.

Коледари запеаја и во претседателската резиденција. Топол пречек им приреди  семејството Иванови. Возбуда, радост, детски насмевски. Богата посна трпеза.  Подмладокот на КУД „ Никола Јонков Вапцаров“ најдобро знае како се негува  традицијата . Со оро ја надополни веселбата.

Коледарските песни и ора ги разбудија и сеќавањата на Иван Иванов.

„Цело мое детство го поминав како коледар, а морам дека и сега одам на коледе“ рече  

Иван Иванов.

 Коледарското утро завршува со бадникова вечера. На богатата посна трпеза со сарми,  гравче и риба, централното место за лепчето со паричка. Секој посакува нему да му падне.  Да му донесе среќа и берикет цала година. Традицијата слична, но обичаите различни.

„Бидејќи ние потекнуваме од Струмица, во нашиот крај навечер се излегува со лепчето и  се се кани дедо Боже на вечера. Еве, тоа сум го запаметила од нашиот крај, па го  пренесуваме и тука. Го каниме дедо Боже на вечера, трпезата ја поставуваме и таа не се  крева, до сабајле останува...“ вели домаќинката.

Христос се роди, навистина се роди. Денеска е Бадник, утре е Божик. Радост и убава  мисла за уште поубава година. Денови кои се поминуваат со семејството, со најблиските,  денови на радост и убави мисли.

Aна Јосифоска