Вевчанскиот карневал ќе кулминира утре- најавени неколку дестици илјади гости
12.01.2015 15:23
Вечерва во Вевчани почнува главната музичка програма како најава за утрешната главна манифестација- карневалот со најоригиналните маски. „Суперхикс“ и „Прљаво казалиште“ се ѕвездите на вечерашниот концерт. На карневалските настани се очекуваат неколку десетици илјади гости...
Вевчани е подготвено за карневалот. Главната музичка програма ќе се одржи вечерва и утре кога пред посетителите ќе се претстават повеќе значајни музички имиња од земјава и од регионот. Вечерва е концертот на македонската група „Суперхикс“ позната по енергичните и еуфорични настапи, а веднаш по нив ќе настапи и познатиот хрватски бенд „Прљаво казалиште“. Гости и посетители ќе има од целиот регион.
„За овогодинешниот карневал очекуваме неколку десеттици илјади гости како од нашата република така и од странство. Најавени ни се гости од соседните држави како од Србија, Бугарија и потврдено е нивното учество“, рече Цветомир Угриновски, првиот човек на Вевчани.
Светски познатата телевизиска куќа „BBC“ ќе сними документарец за оваа оригинална манифестација која ги отсликува старите традиции на Вевчанци..
„За 13-ти веќе ни се најавија и потврдија, два дена ќе бидат присутни“, рече градоначалникот на Вевчани, Угриновски.
Главното дефиле на маските на карневалот ќе започне утре на пладне. А значењето на вевчанските маски е исконско.
Утревечер музичката програма на Вевчанскиот карневал ќе ја предводи музичкото име кое на најдобар начин го негува традиционалниот македонски звук, групата „Љубојна Брас Фантази“ и други ѕвезди.
Вевчанци се подготвуваат за престојниот Вевчански карневал. За маските не сакаат да зборуваат, зато што тоа стана некако традиција. Тоа е изненадување се до 13-ти јануари со почеток од 14часот кога започнува дефилето на најдобрите маски на Вевчанскиот карневал.
Јованчо Наумоски