Можностите за бизнис во Македонија ќе бидат претставени во Калкута и Џајпур

Владината делегација, предводена од премиерот Никола Груевски ја продолжува посетата на Индија, каде пред индиските бизнисмени ги презентира можностите за инвестирање во Македонија.

Ниските даноци и поволностите што им се нудат на странските инвеститори, ќе бидат претставени пред претставниците на индиските компании од Калкута и Џајпур.

Вчера, бизнис форум се одржа во градот Ченаи, каде индиските бизнисмени беа импресионирани од условите за водење бизнис во Македонија, и отвореноста на владата за соработка со потенцијалните странски инвеститори.