Македонија – NON EUROPEAN 6:4

Ракометната селекција на Македонија на досегашните четири учества на Светските првенства, вклучувајки го мечот со Тунис вчера, има одиграно 10 натпревари. Билансот е позитивен со 6 победи и 4 порази, три од нив доживеани на првото учество на  Мундијалите во Египет 1999-та. Таму на 19 годишна возраст дебитираше актуелниот капитен Кирил Лазаров.

Селекцијата предводена од Стевче Стефановски застана на 18-та позиција, а во групата во Каиро на стартот ја порази Саудиска Арабија  (28-21) и до крајот ги загуби сите четири двобои против Германија (36-25), Куба (32-18), Бразил (30-27) и мечот со домаќинот Египет (30-24).

Десет години подоцна на Светското првенство во Хрватска Илија Темелковски ја предводеше од клупата репрезентацијата која беше поразена во првиот двобој со Тунис (25-24) а потоа со три победи над Алжир (32-19), Полска (30-29) и Русија (36-30) и пораз од Германија (33-23), обезбеди три меча во главната фаза. Во Задар загубивме од Норвешка (29-27), Данска (32-24) и од Србија (32-28) а триуимфот над Јужна Кореа од 32-31 не смести на 11-то место на крајот од Мундијалот.

Во Шпанија пред две години исто така влеговме на Мундијалот против неевропска селекција но со победа над Чиле (30-28), па го победивме Катар со 34-30. Следуваше пораз од Исланд 23-19, реми со Русија 29-29 и пораз од Данска 33-30.

Во осминафиналето не елиминираше Германија со 28-23 што значеше дека во вкупниот пласман Македонија беше на крајот на 14-то место.

И досието СП Катар 2015 нашите најдобри ракометари го отворија против селекција која не е европска. Тунис доби реванш и тоа со камата за поразот во Вараждин 2009-та. На ред е денеска Иран кој по вчерашната супериорна игра против Тунижаните, треба да биде наша седма неевропска жртва на Планетарните самити.