Настава наместо штрајк: Членови на СОНК од цела Македонија му откажуваат поддршка на раководството

Штрајкот нема да биде на агендата на наставниците од внатрешноста. Продолжува раздорот во Синдикатот за образование и наука. Членови на СОНК од цела Македонија му откажуваат поддршка на претседателот Јаким Неделков, затоа што сметаат дека води лична, а не битка за наставниците.

На овој начин велат членовите на СОНК, раководството сака да си ги задржи челните позиции. Не успеа досега да ни помогне и затоа ја изгуби нашата доверба велат тие. Порачуваат дека штрајкот е во функција на личната промоција на Јаким Неделков и Дојчин Цветановски.

За неединството во синдикатот говорат, наставниците  членовите од Велес, Ресен и Охрид. Тие ја отфрлаат одлуката за штрајк. Професорите во Ресен сметаат дека штрајкот е за исполнување на тесните интереси на претседателството на СОНК на чело со Јаким Неделков, велат во вторник настава ќе има.

Нема да се штрајкува ниту во Дојран и Пехчево. Оттаму информираат дека се е подготвено за стартот на второто полугодие.

Викторија Тодоровска