Традицијата се почитува и во Доха

Традиционалното фрлање на крстот по повод христијанскиот празник Богојавление беше организирано и во далечната Доха каде што престојува нашата ракометна репрезентација како и секогаш поддржана од бројната навивачка група.

Точно во 12 часот по локално време, крстот беше фрлен во водите на базенот во хотелот Ездан во центарот на Доха, а најснаодлив меѓу неколкутемина што скокнаа по крстот беше Дарко Здравковски.

Немаше подароци, но имаше искрени желби и честитки како и за успех на нашата селекција на натпреварот против Босна и Херцеговина.