Ивица Обрван: „Ја сакам Хрватска ама посакувам да победи Македонија“

На ред е двобојот со неговата Хрватска и директен судир со соиграчот од репрезентацијата и сограѓанин од Метковиќ, Славко Голужа, уште еден од седумте селектори од поранешната југословенската ракометна школа на Мундијалот во Катар.

„Ја сакам Хрватска со цело срце и душа, но посакувам победа утре на Македонија. Голем респект за оваа селекција на Голужа од која не се плашиме. Емоциите ги ставам на страна, моја репрезентација сега е Македонија и ќе направам се да ги победиме за да бидам пресреќен. Ќе биде тоа битка за прво место во групата и сакам да одиграме квалитететен и борбен меч. Горд сум на играчите кои ги дадоа последните атоми енергија и покажаа карактер во една специфична ситуација за да обезбедиме максимален ефект по трите рунди“, коментираше нашиот селктор по победата над БиХ.