Една слика, илјада зборови

Не толку одамна од светската ракометна федерација нашите навивачи добија признание за најдобра навивачка група,доминираа на шампионатот во Србија, го преплавија Гетеборг за олимписките квалификации, а сега го освојуваат и истокот.

Далеку е Катар од Македонија, не е ни ефтин, но повторно, 200-300 наши навивачи постојано се во салите каде што настапува машката ракометна репрезентација. 

Специфични, единствени, колоритни, каде и да се појават ги освојуваат симпатиите, а „Излези момче“ станува рефрен кој го потпевнуваат речиси сите по нашите натпревари, од навивачите на другите селекции, новинарите, а можеби и официјалните лица.

Оттука не е ни чудо што на „Фалангата“ и се посветува големо внимание и во дневните весници во Катар. Тешко е да се протолкува што пишуваат, но како што се вели „Една слика ,илјада зборови“.

Зоран Видевски, специјален известувач од Катар за МРТ