Како да им кажам да не играат

На новинарско прашање за селекторот на македонската ракометна репрезентација, дали не е подобро Македонија да се штеди на натпреварот со фаворизираната Хрватска и да се чува за обезбеденото осминафинале, Ивица Обрван по неколку мигови молк одговори:

„Логиката вели така, Хрватска е меѓу топ 4-те репрезентации во светот, а наша цел четвртфиналето. Но, како да им кажам на моите ракометари да не играат против Хрватска? Едноставно, такво нешто не може да се случи, ќе се обидеме да играме паметно, да не се трошиме премногу, а во зависност од резултатот и да ги победиме ако се укаже шанса“.