Благајникот на штипската болница проневерил пари

Главниот благајник на штипската болница лани украл 1,4 милиони денари. Финансиската полиција утврдила дека осомничениот крадел пари од болничката каса и парите од наплатата за лекарски уверенија и прегледи ги ставал в џеб.

По извршениот разговор со осомничениот е утврдено дека парите ги потрошил за решавање на лични финансиски проблеми.

Дополнително ќе се утврдува дали и во минатите години осомничениот проневерувал пари од наплатената партиципација на пациентите.