Југоисточниот регион се бори со поплави

Скоро четиричасовните интензивни врнежи од дожд во Радовиш ја излеаја реката Сушица која ги поплави околните индустриски објекти, семејни куќи, а го откорна и асфалтот од повеќе улици и турна огради од мостови.

Влезот на Радовиш беше целосно блокиран, а екипи на комуналните претпријатија, но и стопанствениците излегоа на терен да ги чистат наносите од кал, гранки и смет. Очевидците велат дека се сѐ случило многу бргу.

Градоначалникот на Радовиш, Сашко Николов вели дека состојбата е под контрола, единствено дефектот во водоводната мрежа го остави половина Радовиш без вода за пиење.

Освен дожд, и град со големина од орев паѓал претпладнево во Радовиш.

И Гевгелија ја погодиjа дождовите. Состојбата е под контрола, по неколку часовниот прекин на сообраќајот на патот кај Миравци, а водите од Кожуф и надојдените градски реки се закануваа да предизвикаат големи штети.

Дождливо време, но со послаб интензитет се очекува и утре.

Катерина Давчева