Уапсен Зоран Верушевски, екс- директор на ДБК

Полицијата вчеравечер го уапси Зоран Верушевски, екс-директорот на Дирекцијата за безбедност и контраразузнавање во времето на владеењето на СДСМ.

Неофицијално, поранешниот прв човек на ДБК е уапсен под сомнение за нелегално поседување оружје, детска порнографија и за уште неколку други тешки кривични дела.

Полицијата извршила претрес во неговите домови во Скопје и во Струга, при што, покрај другите докази, бил запленет и компјутерот на осомничениот.

Верушевски, по приведувањето, е изведен пред истражен судија.

Поранешниот прв контраразузнавач беше актуелен во јавноста и по инцидентите предизвикани од неговиот син.