„Викинзите“ и „гаучосите“ ја минаа групата

Исланд и Аргентина влегоа во осминафиналното друштво на Светското ракометно првенство во Катар. Таков е епилогот по последните натпревари од групната мундијалска фаза. Франција – Аргентина, Шведска – Полска, Германија – Египет и Данска – Исланд се преостанатите двојки од фазата на најдобрите 16.

 

Во петтото коло од конкуренцијата „Це“, Исланд го совлада Египет со 28-25 и  ја направи „пирова“ победата на Чешка против Алжир со 36-20. Во дербито, Франција ја совлада Шведска со пресврт во завршните десетина минути со 27-25, па доколку ја мине Аргентина, во четвртфиналето ќе вкрсти со Македонија или со Словенија.

 

Во групата „Де“, Аргентина се радуваше над Русија со 30-27 во директниот дуел за осминафинале. Данска ја победи Полска со 31-27 во битката за втората позиција, а Германија ја потврди првата со очекуван трумф над Саудиска Арабија со 36-19.

 

***

 

Група „Це“, 5.коло

 

Исланд – Египет 28-25

 

Франција – Шведска 27-25

 

Чешка – Алжир 36-20

 

Табела: Франција 9, Шведска 7, Исланд 5, Египет 5, Чешка 4, Алжир 0

 

***

 

Група „Де“, 5.коло

 

Аргентина – Русија 30-27

 

Германија – С.Арабија 36-19

 

Данска – Полска 31-27

 

Табела: Германија 9, Данска 8, Полска 6, Аргентина 5, Русија 2,  С.Арабија 0