Македонија ќе биде деветта на СП во Катар

На крајот кој за македонската ракометна селекција во Катар го означи поразот од Словенија, со 4 победи и 2 пораза, се насмевнува 9-то место и најдобриот пласман на Светските првенства досега.

Во Египет 1999-та го освоивме 18-то место со 1 победа и 4 порази, 11-ти бевме на Мундијалот во Хрватска 2009-та каде што имавме 4 победи и 5 порази и на 14-та позиција во Шпанија на претходниот Мундијал кој го завршивме со 2 победи, 1 реми и 3 порази.

Токму во Шпанија 2013-та почна да се применува новиот систем на Мундијалите кој не предвидува натпревари за пласман од 9-16 позиција, па поразените селекции во осминафиналето се рангираат според ефектот од групната фаза.

Нашата репрезентација досега е најдобропласирана по првиот дел од елиминираните. Ако не се случи сензационална елиминација на лидерите на Ц и Д групата, Франција и Германија во дуелите со Аргентина односно Египет, Македонија ќе го освои 9-то место на завршната табела на СП во Катар.

Во рангирањето се сметаат само натпреварите по групи против репрезентациите кои се пласирале од 1-4 место. Прв критериум се освоените бодови од дуелите по групи, па гол-разликата и на крајот ефикасноста односно предноста ја имаат селекциите кои постигнале повеќе голови.

Македонија има 4 бода и гол разлика +10, откако ги победи Тунис (+8) и Австрија (+5) а загуби од Хрватска (3 разлика). Значи, подобри сме од Австрија, Тунис и Бразил кои се исто така елиминирани во осминафиналето.

Имаме подобар резултат и од сите денешни осминафиналисти,  освен од првопласираните Франција и Германија, и доколку тие не доживеат изненадувачки порази, нема тим мој може да биде пред Македонија во рангирањето. Дури и  Данска која е без пораз со 4 бода и два реми исхода има послаба гол-разлика од нас.

Денеска во Катар во втората половина од осминафиналната шема играат: Шведска -Полска (16.30) МТВ, Германија - Египет, Исланд - Данска (19.30) МТВ и Франција -Аргентина.

Табела на елиминирани:                              Табела на денешни осминафиналисти:

Македонија    4  (+10)                                   Франција        5

Австрија         1                                              Германија      5

Тунис              1                                              Данска          4   (+4)

Бразил            0                                              Шведска        3

                                                                        Исланд         3

                                                                        Полска          2

                                                                        Аргентина     1

                                                                        Египет           1

Југослав Костовски, специјален известувач од Доха за МРТ