Македонија деветта на СП во Катар
Светската ракометна федерација ИХФ го официјализираше пласманот на репрезентациите од 9-то до 16-то место на Мундијалот во Катар, коишто беа елиминирани по осминафиналните натпревари...
Македонија деветта на светот, пред Шведска, Исланд, Аргентина, Австрија, Египет, Тунис и Бразил!
Светската ракометна федерација ИХФ го официјализираше пласманот на репрезентациите од 9-то до 16-то место на Мундијалот во Катар, коишто беа елиминирани по осминафиналните натпревари. Рангирањето е направено според нивните остварувања во групната фаза, во мечевите со селекциите коишто беа од првото до четвртото место во секоја конкуренција. Се сметаа освоените бодови и гол-разликата.
Деветтото место отвора шанса Макеоднија и преку овој дострел да избори пласман на олимписки квалификациски турнир за Рио 2016, ако во октомври Катар стане шампион на Азија, а потоа во јануари наредната година европската титула ја освои некоја од селекциите коишто ќе се пласираат до седмото место на ова СП.
9. Македонија 4 95:85
10. Шведска 3 74:68
11. Исланд 3 70:75
12. Аргентина 1 70:76
13. Австрија 1 86:93
14. Египет 1 74:81
15. Тунис 1 75:86
16. Бразил 0 82:92.
Драган Николовски, специјален известувач од Катар за МРТ