Успех на македонското здравство

Според Европскиот здравствен потрошувачки индекс Македонија е рангирана на 16-то место со 700-тини од максимални илјада бодови што е скок од единаесет места во однос на 2013-та година.

Државава е рангирана пред Италија и Шпанија, како и пред сите држави од регионот. Во извештајот се наведува дека Македонија е добар пример како една мала држава, благодарејќи на својата цврста решеност може да постигне голем напредок.

Покрај напредокот на полето на е-здравство, како предизвици на кои треба да се работи се „црвените“ бројки на смртност кај големиот број болести и смртноста на новороденчињата.

На полето на превенцијата се оценува дека ситуацијата е подобра, но пушењето и понатаму останува предизвик. На врвот на Европскиот здравствен потрошувачки индекс и понатаму е Холандија со 898 од максимални илјада бодови, а по неа следуваат Швајцарија, Норвешка, Финска и Данска.

Министерот за здравство, Никола Тодоров е во Брисел, каде е претставен извештајот на Европскиот здравствен потрошувачки индекс.