Поплави: Се санираат штетите
Се уште е критично во долниот тек на Вардар, каде што се заканува излевање на реката кај Демир Капија и во Гевгелиско...
Локалните власти ги санираат штетите по изобилните дождови кои викендов предизвикаа сериозни проблеми во Југоисточниот дел на земјава. Забраната за движење на патот Киселица- Злетово во општина Пробиштип поради свлечиштето, се уште останува, а штетата на мостот на патот Радовиш-Штип е санирана и сообраќајот се одвива наизменично по една коловозна лента.
Се уште е критично во долниот тек на Вардар, каде што се заканува излевање на реката кај Демир Капија и во Гевгелиско.
Во Струмица се проценуваат штетите, каде што беа поплавени голем број домови и земјоделска површина.
Координативното тело вчера го подигна нивото на аларм, по најавите дека денеска ќе има врнежи од дожд. Препорачува сите градоначалници да бидат подготвени за новиот бран врнежи и да ги преземат потребните мерки.