Екстрадиран еден од најопасните криминалци, Алмир Дрпљанин
Дрпљанин, важеше за еден од најбруталните убијци и криминалци по кои трагаше полицијата...
Со силно полициско обезбедување синоќа беше екстрадиран Алмир Дрпљанин и спроведен во штипскиот затвор за одлежување на бројни затворски казни меѓу кои и доживотни.
Во мај 2010 година, осуден на доживотен за убиството на полицаец- припадника на едницата Алфа и повредени уште двајца негови колеги кај Природно- математичкиот факултет. Осуден за разбојништво врз комбето на Македонска пошта, тешки кражби во златарници, банки.
Дрпљанин, важеше за еден од најбруталните убијци и криминалци по кои трагаше полицијата.
Летото 2012-та година беше уапсен на Косово по што отпочна постапката за негова екстрадиција.
По него беа распишани неколку меѓународни и поголем број национални потраги за бројни тешки кривични дела извршени во Република Македонија.
Дрпљанин ќе биде предмет на дополнителна истага.
Наташа Гркова- Петрушевска