Со ПОС терминали- поедноставно плаќање на царинските давачки

Се поедностави плаќањето на царинските давачки. Граѓаните и правните лица  ќе може административната такса, царинскиот прекршок и давачките да ги платат на ПОС терминалот во царинските испостави.

Безготовинското плаќање ќе ги надмине губењето време по банките и поштите до најблиските градови. Царинската управа обезбеди квалитетна и брза услуга за граѓаните.

„Им е дадена можност царински и други давачки и административни такси, бидејќи отсега овие услуги ќе ги добиваат на едно место, во царинските испостави каде се спроведуваат царинските формалности. Царинските давачки можат да се плаќаат со електронските картички Маестро, Мастер Kард, Виза Електрон, Виза, како и картичките за домашна употреба што се издаваат од сите домашни и странски банки“, изјави Наташа Радеска-Крстевска, директор на Царинската управа.

Со оваа реформа преку ПОС терминалот правните и физичките лица можат да ги извршат царинските плаќања независно од висината на износот. Досега единствена поволност беше административните такси до 250 денари да ги плаќаат преку СМС порака, од мобилниот телефон.

Вакви ПОС терминали граѓаните и економските оператори имаат на располагање во сите царински испостави во земјава. Инсталирани се 24.

По шест се во царинарниците во Скопје, Битола и Куманово, пет во Гевгелија и еден во Штип.

Наташа Гркова-Петрушевска