Кичево доби струја

Екипите на МЕПСО, по непрекината повеќе часовна работа, нешто по 14 часот успеаја да ги санираат дефектите на 110 киловолтниот далновод што ги поврзува трафостаниците  „Сопотница“ и „Кичево“ со што градот Кичево и околните населени места се приклучија директно на преносната мрежа и добија напојување со електрична енергија.

Екипите на „Мепсо“ продолжуваат со подигање на два столба, од далноводот меѓу трафостаниците  „Кичево“ и „Осломеј“, кои беа оштетени од силното невреме завчера.

Со тоа, за два до три дена, ќе се стави под напон и втората 110 киловолтна врска со која градот Кичево е поврзан со преносната мрежа.