Голема акција во Пелагонија: Со 10 илјади вреќи песок се зајакнува насипот на Црна Река

Во справување со заканите од нови поплави во Пелагонија се ангажирани   над 250 војници и вработени во јавните претпријатија. Со 10 илјади вреќи песок се зајакнува насипот на Црна Река во населените места Лознани и Царлија.

Во посета на најпогодените локации беше претседателот Иванов придружуван од началникот на генералшатабот на АРМ генерал потполковник Котески.

По денешниот релативно топол ден за утре се очекува зголемување на водостојот . Во земјава во одбрана од поплави вкупно се ангажирани 700 припадници на АРМ и соодветна механизација.