Црвениот крст почна со дистрибуирање хуманитарна помош во поплавените региони

Црвениот крст започна акција што ќе трае во наредниве 12 дена. Ги повикуваат компаниите да донираат вода и средства за дизинфекција, бидејќи според проценките тоа недостига во полавените подрачја. Исто така имаат жиро-сметка и мобилни телефони на коишто ќе можат да донираат граѓаните.

Со повик на телефоните 143-400 на сите мобилни оператори граѓаните ќе можат да донираат 100 денари. На сметка на Фондот на солидарност ќе собираат пари за помош на жителите во поплавените подрачја.

„Проценката е веќе направена, за сите дополнителни промени во оваа хуманитарна акција, ќе ги доставиме потребните информации. Идејата е да ги следиме инструкциите согласно состојбата на теренот, за да можеме навистина да помогнеме со она што е најнеопходно“, изјави Сузана Тунева Пауновска, секретар на Црвен крст на Град Скопје.

Од Црвен крст велат нивните волонтери се на терен. Изминтативе денови пакети вода, храна, ќебиња и средства за хигиена се поделени во Радовиш, Штип, Струмица и Кочани.

Наташа Јанчиќ