Велешани донираат за настраданите семејства од поплавите
Во невоља се познаваат пријателите. Велешани сочуствуваат со настраданите семејства од полавите во Источна Македонија и како добри пријатели кој колку може помагаат. Се донира вода, средства за хигиена, постелнина. Се вртат и хуманитерните телефонски броеви...
„Од младите за Истокот“, под ова мото велешани ја започнаа хуманитарната акција за донирање на вода и средства за хигиена за настраданите од поплавите подрачја во Источна Македонија. Во центарот на градот е лоциран еден од пунктовите.
„Треба да им помогнеме во тешка ситуација се и треба да бидеме сите хумани.“
„Телефонски по 100 денари.“
„Се вклучив во акцијата и преку телефон донирав за настраданите од поплавите во Источна Македонија“, велат случајно анкетираните велешани.
Организаторите велат акцијата ќе трае неколку дена. Очекувањата се дека и овој пат велешани ќе ја покажат својата хуманост.
„Оваа акција се организира низ цела Македонија со што сакаме да им излеземе во пресрет и да им подадеме рака на оние на кои им е најпотребно во моментов“, изјави Влатко Миров, УМС ВМРО- ДПМНЕ, Велес.
Помош за настраданите подготвува и ОО на Црвен крст.
Вртејќи на 143-400 од трите мобилни оператори велешани можат да ја искажат својата хуманост донирајќи и по 100 денари.
Дијана Иванова