Поскапуваат горивата: Бензините до 3,5, дизелот за 2,5 денари

Од полноќ поскапуваат нафтените деривати. Цената на 95-октанскиот бензин се зголемува за 3 денари, од 59 на 62 денара за литар.

Еуросупер 98 поскапува за 3,5 денари, од 60,5 на 64 денари за литар. Новата цена на дизелот изнесува 51 денар за литар, и е за 2,5 денара повисока во однос на изминативе две седмици.

Новата цена на екстралесното масло за домаќинство изнесува 39,5 денари. Oд Регулаторната комисија за енергетика објаснуваат дека е извршена нагорна корекција на цената поради повисоката цена на суровата нафта на светските берзи и повисокиот курс на доларот во однос на денарот.

Овие фактори резултираа со зголемување на малопродажните цени на нафтените деривати за 6,25 проценти во просек.