Телефонски разговор Груевски- Ципрас

Премиерот Груевски на телефонска врска со неговиот грчки колега, Алексис Ципрас. Во кусиот протоколарен разговор, како што пренесува МИА, Груевски на Ципрас му посакал успех во работата и во справувањето со предизвиците со кои се соочува неговата земја.

Македонскиот премиер истакнал дека двете земји треба да вложат напори за унапредување на добрососедските односи, за решавање на отворените прашања, како и за градење на конструктивна атмосфера за соработка во сите сфери од взаемен интерес.