Нов пораз на Атланта

Перо Антиќ и Атланта паднаа со првото водство на Бостон. Нашиот интернационалец постигна само 1 поен за 11 минути игра, а последниот збор на мечот го имаше Еван Тарнер на 2 десетинки до крајот, за конечните 89:88.

 

Ова е трет пораз за Хокс во новата календарска година - сите три во 6-те натпревари од 2-ри февруари - по серијата од 19 победи со која што се уште се тимот со најмногу триумфи сезонава, 43.

 

Куриозитетно, Атланта ќе го изедначи НБА рекордот со 4-ца кошаркари на претстојниот Ол Стар викенд, колку што имаше и последната екипа со толку првотимци, Бостон, во 2011-та. Селтикс сега се без ѕвездени кошаркари и се далеку од позиција за доигрувањето, но се во серија 4 од 5...

 

Голден Стејт има најдобар скор пред паузата, најдобар сооднос на победи и порази, со 42 триумфа и е последниот тим со едноцифрен број загубени средби, само 9, по одличната завршна серија на дуелот со Минесота, за конечните 91:94.

 

ДеРозан го погоди клучниот шут на крајот за победа на Торонто над Вашингтон со 95:93, Леброн постигна 18 поени во победата на Кавалирс против Хит со 113:93, Оклахома предводена од Дјурант со 26 поени и Вестбрук со 24 победи против Мемфис со 105:89.

 

За споменување е и учинокот на Вучевиќ, 28 поени и 18 скокови, во победата на Орландо против Њујорк, 89:83...

 

 

Клиперс – Хјустон 110:95

Портланд – Лејкерс 102:86

Далас – Јута 87:82

Детроит – Сан Антонио 87:104

Њу Орлеанс – Индијана 93:106

Милвоки - Сакраменто 111:103

 

Пред 64-от Ол Стар, што ќе се одржи викендов во Њујорк во коорганизација на Никс и Нетс, ќе се соочат уште Чикаго и Кливленд, во 2 часот по полноќ.