Нов оглас за вработување на 30 деца без родители

Објавен е нов оглас за вработување на трисетина деца без родители и родителска грижа, информираше денеска министерот за труд и соцјална политика, Диме Спасов.

„Сите оние кои што се заинтересирани и кои што немаат редовно работно место можат да аплицираат, а биле деца без родители и родителска грижа до 18 години и се во оваа категорија на лица“, нагласи Спасов.

Оваа програма се реализира од 2013 година и замислата е системски да се реши проблемот за вработување на децата без родители и родителска грижа. До сега се вработени 83 деца без родители и родителска грижа, а во тек е постапка во завршна фаза, за вработување на 30 деца.

Новиот оглас трае до 4-ти март. Министерот Спасов нагласи дека од 2013-та, со финализирање на овој оглас ќе се вработат 143 деца без родители и родителска грижа во јавната и државната администрација.