„Фортон“: Расте понудата на станови, трендот на пад на цените продолжува

Анализата на специјализираната консултантска компанија „Фортон“ покажува дека продолжува да се зголемува бројот на понудени нови станови. Во втората половина на 2014-та биле понудени 4.909 нови станови, од кои повеќе од половина биле лоцирани во општината Аеродром, во која биле реализирани и 36% од сите купопродажни трансакции.

Трендот на намалување на продажните цени во последниве две години продолжува, а падот изнесува 0,9% во периодот јули - декември лани.

Анализата покажува дека 39% од становите кои се во изградба не се продадени во моментот на завршување.

„Фортон“ очекува стабилизирање на продажните цени на становите, а во некои општини како скопски центар и нивно зголемување, што е сигнал за градежните компании да влезат во нови инвестиции.