Далеку од елитата

Тројца наши нордијци настапија во квалификациските спринт трки на Светското првенство во нордиско скијање што се одржува во шведски Фалун. Очекувано во силната и масовна конкуренција ниту еден не успеа да финишира меѓу првите 30 што обезбедуваа настап на главните трки.

Во конкуренција на 95 натпреварувачки Росана Кироска го освои 86-тото место со заостанување 2 и пол минути зад најдобрите,додека во машка конкуренција Тошо Станоески и Соте Андрески беа меѓу последните од 124-те нордијци што настапија во квалификациите со заостанување од 80-тина секунди.

Златните медали ги освоија норвежаните.Петер Нортуг беше најбрз во машка,а Марит Бјерген во женска конкуренцуја.

На третиот ден од нордиското светско првенство медали ќе бидат доделени во нордиска комбинација.