Црногорскиот вицепремиер Лукшиќ во официјална посета на Македонија

Заменик претседателот на Владата и министер за надворешни работи и евроинтеграции на Црна Гора Игор Лукшиќ денеска ќе престојува во еднодневна официјална посета на Република Македонија.

 

За време на средбата, министрите за надворешни работи на Република Македонија, Никола Попоски и на Црна Гора Игор Лукшиќ, ќе разговараат за досегашната билатерална и регионална соработка.

 

Се очекува да бидат разменети мислења за европската перспектива на сите земји од регионот, како и за глобалните и регионални безбедносни предизвици.

 

Попоски и Лукшиќ ќе потпишат меморандум за колокација на дипломатско - конзуларните претставништва.

 

За време на посетата Лукшиќ ќе биде примен од претседателот на Република Македонија Ѓорге Иванов.