Од полноќ повисока цена на нафтените деривати
Литар 95 октански бензин ќе се продава за 65 денари, 98-ката ќе чини 67 денари, а дизелот 55 денари за литар. За 4 денари поскапува и екстра лесното масло за домаќинство...
Од ноќеска на полноќ бензините поскапуваат за 3, а дизелот за 4 денари. Регулаторната комисија за енергетика ја објави пресметката за новите цени на нафтените деривати.
Литар 95 октански бензин ќе се продава за 65 денари, 98-ката ќе чини 67 денари, а дизелот 55 денари за литар. За 4 денари поскапува и екстра лесното масло за домаќинство.
Регулаторната комисија за енергетика, како главна причина за поскапувањето ја наведува повисоката цена на суровата нафта на светскиот пазар за 14,6 проценти, а фактор во пресметката е и курсот на денарот во однос на доларот.
Крајниот есап покажува дека од полноќ, малопродажните цени на нафтените деривати се зголемуваат за 7,74 проценти.