ЕЦБ ја претстави новата банкнота од 20 евра

Европската централна банка ја претстави новата банкнота од 20 евра, која ќе влезе во платниот промет на 25 ноември годинава. Станува збор за банкнота, која во моментов е во фаза на печатење.

Новата банкнота има современ дизајн во готски стил и подобри безбедносни карактеристики со што можностите за  фалсификувањето се сведени на минимум. Има димензии од 133 на 72 милиметри и е во нијанси на сина боја.

Досега Европската централна банка, во соработка со националните банки на земјите од Еврозоната, иницираше замена на банкнотите од 5 и од 10 евра.