Тече рокот за доставување годишни сметки

Законскиот рок за  фирмите за доставување годишни сметки во хартиена форма е 28-ми февруари. За трговските друштва што поднесуваат сметка во електронска форма, за трговците поединци и за самостојните вршители на дејност што поднесуваат по избор, во хартиена или во електронска форма, рокот е 15-ти март.

Од четврток  до сабота приемот на годишни сметки во хартиена форма ќе се врши во сите канцеларии на Централниот регистар во периодот од  8 до 20 часот.

Во градовите Кратово, Крушево и Демир Хисар, Регистарот ќе работи од 8 часот и 30 минути до 16 часот и 30 минути.

Согласно со Законот, средните и големите субјекти се должни да ги поднесат годишните сметки и финансиските извештаи исклучиво во електронска форма.