Груевски: Продолжува отписот на долгови- досега отпишани 14 милиони евра на 8.200 семејства

Вкупната сума на отпишани долгови преку владиниот проект достигна 14 милиони евра.  Досега се опфатени 8.200 семејства, но бројката ќе расте, бидејќи службите продолжуваат со преглед на документите. Ова попладнево го изјави премиерот Никола Груевски, кој беше во посета на тиквешијата.

„Се работи на целокупната документација доставена од граѓаните, се проверува колку соодветствува со законот. Очекувам досегашниот отпишан долг од 14 милиони евра и натаму да расте“, нагласи Груевски.

Според Груевски, отписот на долгови е еден од проектите што Владата го вети на последните избори и ревносно го спроведува.