МЗТ Скопје Аеродром и со повратнокот Пипан убедливо поразен од У. Олимпија

Во 23 коло од АБА лигата кошаркарите на македонскиот шампион загубија од Унион Олимпија со 57 : 76. Во текот на играта металците имаа многу осцилации, од атрактивни моменти до очајна завршница што резултира со висок пораз.Стартот беше ветувачки, со агресивна игра и водство од 10 : 5 и добри воведни 5 минути се до 12 : 8. Тогаш следуваше  голем пад и серија на гостите од 12 поени, кои дојдоа до 12 : 20. Но, домаќините како што ја загубија така ја вратија позитивата и на средина од вториот период водеа со 25  : 20. И како по исто сценарио тука нагло застанаа и со многу грешки во играта му дозволија на ривалот да го полни кошот. До полувремето постигнаа само 3 а примија дури 19 поени па гостите од Љубљана заминаа на пауза со двоцифрена разлика 28 : 39. Драстичната разлика беше во шутот за 3 поени, каде што МЗТ имаше очајни 11 - 1, а Олимпија предводена од Препелиќ и Мариновиќ 11 - 6.

Третиот период наместо агресивен приод донесе летаргично издание на домашните кошаркари кои им овозможија на љубљанчани зголемување на предноста. Во такви услови Олимпија имаше предност 36 : 57 на минута до крајот на третиот период, разлика која умешно ја контролираа и во последните десет минути во кои металците одиграа безидејно и предвреме се предадоа. Противникот имаше водство од 25 разлика во последниот период и рутински го добија мечот со 57 : 76. Резултатски а и од играчка гледна точка неуспешно деби на 5 - от тренер сезонава кај металците, повратникот на Алеш Пипан, кој до пред неколку дена беше на кормилото на вечерашниот противник. Најзаслужни за победарта беа Препелиќ со 18 поени и Мариновиќ со 15 поени, а кај МЗТ Лучиќ беше единствен двоцифрен со 15 поени. Олимпија останува на 5 место со 13 победи и 10 порази, а со 17 - от пораз сезонава, МЗТ останува на претпоследното место само пред бугарскиот Левски.