Саем за градежништво и недвижнини од утре на Скопски саем

Од утре стартува саемот за градежништво во чиј состав ќе се одржи и Саемот за недвижности и за инвестиции „Риал експо 2015-та“.

Ќе учествуваат голем број градежни компании кои ќе понудат станови со попуст и до неколку илјади евра. На саемот ќе се нудат и продаваат производи и услуги за работа, одржување, модернизирање, реновирање и опремување објекти.

Партнер на оваа специјализирана саемска манифестација е Министерството за финансии, со проектот „Купи куќа, купи стан“.