Над 300 компании ќе се претстават на саемот за градежништво
Партнер на саемот е Министерството за финансии со проектот „Купи куќа, купи стан“...
Над 300 компании во три саемски хали од денеска до 7 март ќе се претстават на 12 Меѓународен саем за градежништво, градежни материјали и градежна механизација. Во рамки на саемот во Метрополис Арената по петти пат ќе се одржи и Саемот за недвижности и инвестиции RealExpo. Партнер на саемот е Министерството за финансии со проектот „Купи куќа, купи стан“.
На саемот ќе се нудат и продаваат производи и услуги за работа, одржување, модернизирање, реновирање и опремување објекти. Се очекува саемот да го привлече вниманието на експерти од областа на градежната индустрија кои ќе дискутираат и склучуваат зделки во кои ќе ги вклучуваат и новите трендови во градежништвото.
На посетителите ќе им бидат понудени над 3.000 станови, а на Real Expo ќе учествуваат голем број градежни компании кои ќе понудат станови со попуст и до неколку илјади евра и ќе важат само за саемските денови.